សេចក្តីប្រកាសស្តីអំពីការធ្វើវិវឌ្ឍនាការ នៃបែបបទគ្រប់គ្រងដឹកនាំ និង ទំរង់ការសំរាប់ការជ្រើសរើស អ្នកទីប្រឹក្សាបច្ចេកទេស/ អ្នកជំនាញឯកទេសទាំងឡាយ លើការរៀបចំសំណើរឯកសារដេញថ្លៃ សំរាប់បណ្តាលគំរោងសាងសង់។
ក្រុមហ៊ុន ខ្មែរ ខនសាល់ធេន អ៊ីនជីនារីង ខបភើរេសិន (KCEC) មានសេចក្តីរីករាយសូមប្រកាសចំពោះ អ្នកទីប្រឹក្សា បច្ចេកទេស/អ្នកជំនាញឯកទេសទាំងឡាយ ក៏ដូចជាដៃគូរបរទេស ស្តីអំពីការធ្វើវិវឌ្ឍនាការ នៃបែបបទគ្រប់គ្រង និងទំរង់ ការជ្រើសរើស អ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ ក្នុងការរៀបចំសំណើរឯកសារដេញថ្លៃ លើការសិក្សា គំរោងប្លង់, ការត្រួតពិនិត្យបច្ចេកទេសសាងសង់ លើគំរោងសាងសង់ទាំងឡាយ ដែលបានផ្តល់មូលនិធិដោយទីភ្នាក់ងារ អន្តរជាតិផ្សេងៗ (ADB, WB, ….) ។
គោលបំណងនៃការធ្វើវិឌ្ឍនាការនេះ គឺកំណត់និយមន័យនៃបែបបទគ្រប់គ្រង និងទំរង់ការធ្វើការងាររបស់ KCEC ។ ចំពោះ ការជ្រើសរើស អ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ ក្នុងលក្ខ័ណតម្លាភាព, សុក្រិត និងបំពេញផល ប្រយោជន៏គ្នាទៅវិញទៅមក ចាប់តាំងអំពីដំណាក់កាលដំបូងនៃការដាក់ពាក្យស្នើសុំ, បញ្ផូនឯកសារ រួមមាន ៖ (ឯកសារ ចំណាប់អារម្មណ៏លើគំរោង (EOI) សំរាប់ទទួលបានការសំរាំងជ្រើសរើស ក្នុងដំណាក់កាលបញ្ជីបឋម ដែលនឹងឈានទៅដល់ ការធ្វើឯកសារដេញថ្លៃជំហ៊ានដំបូង ដែ់លរួមមានសមាសភាពពីរដោយឡែកពីគ្នាដូចជា ឯកសារសំណើរបច្ចេកទេស និង ឯកសារសំណើរថវិកា ដែលជាឯកសារ (RFP) និងរហូតទៅដល់ការទទួលបានកិច្ចសន្យា ជាមួយអតិថិជន/អ្នកម្ចាស់ការ។
ក្នុងការប្រកាសជូនដំណឹងនេះ រួមទាំងបរិបទនៃ អ៉្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ ដោយបញ្ជូលការ បណ្តុះបណ្តាលដ៏ទូលំទូលាយច្រើនមុខ ទាំងផ្នែកជំនាញ និងកំរិតយល់ដឹងទៅដល់ក្រុមការងារ ឬបុគ្គល។ ខណៈដែលនៅក្នុង ដំណាក់ការនៃការដាក់ស្នើ ឯកសារចំណាប់អារម្មណ៏លើគំរោង (EOI) ដែលមិនត្រូវភ្ជាប់ប្រវត្តិរូប នៃអ្នកទីប្រឹក្សាបច្ចេកទេស/ អ្នកជំនាញឯកទេសទាំងឡាយ។ រាល់បណ្តាប្រវត្តិរូបទាំងនោះ នឹងត្រូវដាក់បញ្ជូលទៅក្នុងឯកសារសំណើរ ឯកសារបច្ចេកទេស សំរាប់ឱ្យអតិថិជនធ្វើការវិភាគវាយតំលៃ។ ជំពូកខាងក្រោមនេះ ជាការប្រតិបត្តិ នៃបែបបទគ្រប់គ្រង និងទំរង់ការសំរាប់ការ ជ្រើសរើស ចំពោះបណ្តាលអ្នកទាំងនោះ។
ក/ បែបបទគ្រប់គ្រង
ម៌ាគារជាមូលដ្ឋាន ដែលត្រូវអនុវត្តសំរាប់ការជួល អ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ អាស្រ័យទៅលើ តំរូវការចាំបាច់នៃគំរោង។ ជាទូទៅបែបបទគ្រប់គ្រង KCEC ទៅលើការរៀបចំសំណើដេញថ្លៃ គឺត្រូវបានឈរលើមូលដ្ឋាន គោលការណ៌គ្រឹះដូចខាងក្រោមៈ
១. ត្រូវការសេវាកម្មគុណភាពខ្ពស់.
២. ត្រូវការភាពឥតខ្ចោះ និង សន្សំសំចៃ.
៣. ត្រូវការផ្តល់ អ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ មានលក្ខណៈសម្បត្តិគ្រប់គ្រាន់ ដែលអាច ធ្វើការជាក្រុម និងជាបុគ្គល
៤. ត្រូវការសេវាពីបុគ្គលិក នៃបណ្តាអ្នកដែលបានបំរើអោយ KCEC ទាំងអ្នកមានបទពិសោធន៌ ជំនាន់ចាស់ ក៏ដូចជាអ្នក ជំនាន់ថ្មី.
៥. ត្រូវការតម្លាភាព ក្នុងដំណើរការសំណើរបញ្ផីដេញថ្លៃជំហ៊ានដំបូង.
៦. ត្រូវការផ្តោតការយកចិត្តទុកដាក់ លើការប្រតិបត្តិតាមអត្តចរិកនៃវិជ្ជាជីវៈ
៧. ត្រូវការភាពគ្មានទំនាស់អំពីផលរបរ (ទំនាស់អំពីការចាត់តាំង, លក្ខណៈសម្បត្តិនៃលទ្ឋកម្មការងារ, ទំនាក់ទំនង ជាមួយបណ្តាភ្នាក់ងារគំរោងទាំងឡាយ)
KCEC ចាត់ទុកថា ទំនាស់ក្នុងផលរបរ ដែលមាននៅក្នុងភាគីមួយអាចមានឥទ្ឋិពលមិនល្អ ទៅលើលក្ខណៈសម្បត្តិការងារ នៃតួនាទី, ការទទួលខុសត្រូវ, កាតព្វកិច្ចនៃកិច្ចសន្យា ឬការអនុលោមជាមួយច្បាប់ និងបទបញ្ញត្តិ។ អ្នកទីប្រឹក្សាបច្ចេកទេស/ អ្នកជំនាញឯកទេសទាំងឡាយ ក្នុងលក្ខខណ្ឌទាំងនេះនឹងមិនត្រូវបានជ្រើសរើសឡើយ។
ខ/ ទំរង់ការសំរាប់ការជ្រើសរើស អ្នកទីប្រឹក្សាបច្ចេកទេស/អ្នកជំនាញឯកទេស
បន្ទាប់ពីជាប់ក្នុងបញ្ជីបេក្ខភាពសំរាំង KCEC នឹងទទួលបានពីអតិថិជននូវសំណើរស្នើរសុំ (RFP) ដែលរួមមានៈ សំណើរសុំ បច្ចេកទេស, សំណើរថវិការ ហើយនិងបែបបទឯកសារយោង (TOR)។
សំណើរបច្ចេកទេសរួមមាន នៅក្នុងចំណោម បណ្តាឯកសារដ៏ទៃទៀត សមាសភាពក្រុមការងារ, ការងារចាត់ចែងរៀបរយ និងព៌ត័មានបូកសរុបជីវប្រវត្តិ, ព៌ត័មានប្រវត្តិនៃការងារ សំរាប់ដាក់សំណើរ, អ្នកជំនាញឯកទេស និងកាលវិភាគផ្ទាល់ខ្លួន។ អ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ ដែលត្រូវបានជ្រើសរើស គឺសំដៅលើប្រវត្តិការងាររបស់ពួកគេ និង ការចំណាយ សំរាប់ពួកគេនៅក្នុងការងារ មាននៅក្នុងសំណើរបច្ចេកទេស និងថវិការតែម្តង។ ទម្រង់ការនៃការជ្រើសរើស មានដូចខាងក្រោមៈ
១. ដោយអាស្រ័យប្រវត្តិរូប ដែលមានក្នុងក្រុមហ៊ុន KCEC ជ្រើសរើសប្រវត្តិរូបរបស់បេក្ខជនណា ដែលសមស្រប ទៅនឹងតំរូវការ ដ៏ច្រើនលើសលុបនៃលក្ខ័ខ័ណ្ឌយោងរបស់គំរោង សំរាប់តួនាទីនីមួយៗ និងបង្កើតសមាសភាព ក្រុមរបស់គំរោង។
២. KCEC ទាក់ទងអ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ ដែលបង្កើតសមាសភាពក្រុមការងារ តាម រយៈទូរស័ព្ទ, សារអេឡិចត្រូនិច និងឬក៏អញ្ជើញពួកគេមកកាន់ការិយាល័យកណ្តាល KCEC ដើម្បីផ្តល់នូវ ពត៌មាន ដែលទាក់ទងសំខាន់ក្នុងគំរោង, តួនាទីរបស់ពួកគេ រយៈពេលការងារ និងកាលវិភាគបង្គាប់ការចូលកាន់ការងារ។ ទន្ទឹមគ្នានេះដែល ច្បាប់ចំលងនូវល័ក្ខខ័ណ្ឌយោង របស់ការងារក៏ត្រូវបានផ្តល់អោយពួកគេ សំរាប់ស្វែងយល់។
៣. ប្រសិនបើអាចប្រព្រឹត្តទៅបាន ហើយយល់ព្រមក្នុងការធ្វើការងារនៅក្នុងគំរោង KCEC នឹងធ្វើកិច្ចព្រមព្រៀងរួម មួយ ជាមួយអ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ លើប្រាក់បៀវត្ស សំរាប់តួនាទី ដែលបាន ចាត់តាំងក្នុងករណី ការដេញថ្លៃបានជោគជ័យ។
៤. អ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ ចុះហត្ថលេខាលើគំរូ P-1 KCEC ដើម្បីបញ្ជាក់ការ អនុញ្ញាតិយល់ព្រមអោយ KCEC ប្រើប្រាស់ប្រវត្តិរូប របស់ពួកគេនៅក្នុងឯកសារសំណើរសុំ, និងការដែលអាច ចូលរួមធ្វើការងាររបស់ពួកគេ នៅក្នុងគំរោងប្រសិនបើ KCEC ក្លាយជាអ្នកឈ្នះ ហើយនឹងប្រាក់បៀវត្សរបស់ ពួកគេផងដែរ។. KCEC ក៏ចុះហត្ថលេខាលើ គំរូនេះដែរ។
៥. អ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ រៀបចំឯកសារជីវប្រវត្តិការងារ របស់ពួកគេលើទំរង់ បែបបទគំរូ ADB ដោយពិនិត្យ វិវឌ្ឍនាការកំណត់សំគាល់ ឱ្យសមស្របទៅតាមចំណាត់តាំងមុខការសំរាប់ គំរោង និងដោយមានការជួយអំពី KCEC ផង។
៦. ក្រោយពីបញ្ចប់ការងារខាងលើ អ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ ពិនិត្យឡើងវិញនូវ ជីវប្រវត្តិការងាររបស់ពួកគេ ហើយប្រសិនបើរាល់ចំណុចទាំងអស់ត្រឹមត្រូវ ពួកគេត្រូវចុះហត្ថលេខាដោយខ្លួនឯង លើទំរង់គំរូនោះ។
៧. អ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ ដាក់បញ្ជូនសំណើរដើម នៃជីវប្រវត្តិការងាររបស់ខ្លួន ដោយភ្ជាប់ជាមួយនូវច្បាប់ចំលងបញ្ជាក់សញ្ញាប័ត្រនៃការសិក្សា. ច្បាប់ចំលងអត្តសញ្ញាប័ណ្ណ ហើយព្រមជាមួយ គ្នាដែរ ឯកសារបញ្ជាក់អំពីការងារ ដែលខ្លួនបានមានបទពិសោធន៌កន្លងមក និងចុះហត្ថលេខាលើគំរូ P-1 KCEC ទៅអោយ KCEC ។
៨. KCEC ធ្វើបញ្ជីបូកសរុបរួមនូវរាល់ អ្នកទីប្រឹក្សាបច្ចេកទេស ដែលបានចាត់ចែងអោយទទួលការងារសំរាប់ក្រុម ជាមួយនឹង ជីវប្រវត្តិការងារ និងឯកសារយោងដទៃទៀតសព្វគ្រប់។
ដូចគ្នានេះដែរ KCEC រួមបញ្ជូល ជីវប្រវត្តិការងារ និងទិន្នន័យនៃការចំណាយសេវាកម្មការងារ នៃអ្នកទីប្រឹក្សាបច្ចេកទេស/ អ្នកជំនាញឯកទេសទាំងឡាយ ទៅក្នុងឯកសារសំណើរសុំបច្ចេកទេស និង ថវិកានៃឯកសារសំណើសុំដេញថ្លៃ ហើយដាក់ សំណើរសុំទៅ អតិថិជន/អ្នកម្ចាស់សំណង់។
គ/ ការវាយតំលៃឯកសារដេញថ្លៃ/កិច្ចសន្យារបស់សេវាកម្ម
បន្ទាប់ពីទទួលលទ្ឋផលនៃ បញ្ជីវាយតំលៃការដេញថ្លៃអំពីអតិថិជន KCEC និងជូនដំណឹងជាបន្ទាន់ទៅ អ្នកទីប្រឹក្សា បច្ចេកទេស/អ្នកជំនាញឯកទេសទាំងឡាយ នូវបណ្តាលទ្ឋផលទាំងអស់នោះ។ ប្រសិនបើបរាជ័យ អ្នកទីប្រឹក្សាបច្ចេកទេស/ អ្នកជំនាញឯកទេសទាំងឡាយ និង KCEC គឺត្រូវរួចផុតពីកាតព្វកិច្ចនានា រៀងៗខ្លួនចាប់ពីថ្ងៃនោះតទៅ។ ប្រសិនបើ ជោគជ័យ KCEC នឹងអញ្ជើញពួកគេ ដើម្បីចុះហត្ថលេខាលើកិច្ចសន្យាលំអិតនៃសេវាកម្មគំរូ P-2 KCEC រវាង KCEC និងពួកគេ ដើម្បីអនុវត្តការងារគំរោង។
កិច្ចព្រមព្រៀងនានាៗនៃការជ្រើសរើសរវាង KCEC និង អ្នកទីប្រឹក្សាបច្ចេកទេស/អ្នកជំនាញឯកទេសទាំងឡាយ ដូចករណី ដែលបានបំភ្លឺ បង្ហាញដោយការចុះហត្ថលេខា លើកិច្ចព្រមព្រៀងហើយបំពេញផលប្រយោជន៏ទាំងសងខាង សំរាប់គំរោង ផ្សេងៗ ដោយគិតចាប់តាំងពី ការចាប់ផ្តើមរហូតដល់ការបញ្ចប់គំរោង។
គំរូនៃ P-1 KCEC, P-2 KCEC និងជីវប្រវត្តិការងារ បែបទំរង់បទ ADB (ទំរង់ TECH-6) អាចរកបាននូវ ការិយាល័យកណ្តាល KCEC ហើយអាចទទួលបានតាមការស្នើសុំ ឬ ក៏ទាញយកឯកសារអំពីគេហ៌ទំព័ររបស់ KCEC ( www.kcec-khmer.com).។
ធ្វើនៅរាជធានី ភ្នំពេញ, ថ្ងៃទី ១៤ ខែវិច្ឆិកា ឆ្នាំ២០១១
ក្រុមហ៊ុន ខ្មែរ ខនសាល់ធេន អ៊ីនជីនារីង ខបភើរេសិន (ខេស៊ីអ៊ីស៊ី)
